Сайн байна уу? Таньд энэ өдрийн мэнд хүргэе!
Open
X

Сэргэлэн сум.

СУМЫН ЕРӨНХИЙ ТАНИЛЦУУЛГА

Сэргэлэн сумыг  БНМАУ-ын Ардын их хурлын Тэргүүлэгчдийн 1961 оны 1-р сарын 09-ний өдрийн 7-р зарлигаар Хөгнө Хэрлэнбаян сумдыг нэгтгэж Сэргэлэн хараат уулын энгэрт сумын төвийг байгуулан сумаа Сэргэлэн  гэж нэрлэжээ.

Сэргэлэн суманд халх, үзэмчин, буриад,  дөрвөд ястнаас бүрдсэн 615 өрхийн  1967 хүн ам, засаг захиргааны 5 багтай. Нийт хүн амын 28  хувийг  0-15 насны хүүхэд,   63.6   хувийг  хөдөлмөрийн насны хүн ам,  8,4 хувийг өндөр настан эзэлдэг.

Газар зүйн байршил

Сумын төв нь Сэргэлэн хараат нь Чойбалсан хотоос 70 км, Улаанбаатар хотоос 655 км алслагдсан, баруун талаараа Цагаан-Овоо, хойд талаараа Баяндун, Дашбалбар, зүүн талаараа Гурванзагал, Чойбалсан, урд талаараа Баянтүмэн сумдтай хиллэдэг.     

 Газар нутаг

Сумын нийт нутаг дэвсгэр 416,9 мян га. Үүнээс: 265,5 га нь бэлчээрийн газар, 44,1 га нь хадлангийн талбай, 6,5 га нь тариаланд тохиромжтой.

Байгаль, газар зүйн онцлог

Нутгийн хамгийн өндөр уул Хөгнө 1132 м өндөрт өргөгдсөн, дов толгод, ухаа гүвээ бүхий тэгш, талархаг гадаргатай, хуурайдуу, сэрүүвтэр уур амьсгалтай. Сумын төвийн өмнөд хэсгээр 800 метрийн зайд баруунаас зүүн тийш, нутгийн дундуур Галын гол урсдаг. Галын гол, Яхь, Улаан, Цагаан нуур, Их, бага зос, зүүн, баруун, дунд Баян зэрэг олон арван нуур, цөөрөм, тойромтой, энгэрийн 13 булаг, адаг болон эхэн бүрд, сүмийн булгуудтай. Сэргэлэн хараат, Лүнгэрийн овоо, Алтан овоо, Довдой, Эрдэнэ овоо, Бэрхийн цагаан овоо, Баян уул зэрэг тахилгатай уул овоо олонтой.

Түүхийн дурсгалт газрууд
Гүн саваагийн балгас, Гөцөөгийн хүн чулуу, Сэнжит хад,
Ураг цөл, Хэрмэн зам зэрэг түүхэн дурсгалт газрууд, Дөхөн нуур, Боодгийн ганга зэрэг байгалийн үзэсгэлэнт газруудтай.

  Нийгэм эдийн засгийн үзүүлэлт

Тус суманд ИТХ, ЗДТГ, ЕБСургууль, Хүүхдийн цэцэрлэг, Соёлын төв, Эрүүл мэндийн төв, Цагдаагийн хэсэг зэрэг төсөвт байгууллагууд, Хаан банк, Төрийн банк, Цахилгаан холбоо ХК, Скайтел ХК, Монгол шуудан ХК, ДБЭХС ХХК-иудын салбар, 5 мал эмнэлэг, худалдаа үйлчилгээний 8 цэг үйл ажиллагаа явуулдаг.

Хөдөө аж ахуй

Сумын хэмжээнд 167062 толгой малтайгаас  тэмээ-662,  адуу-18794, үхэр-12520, хонь-88066, ямаа-47020 байна.

310 малчин өрх, 98 мал бүхий өрх байгаа нь сумын нийт өрхийн 66,3  хувийг эзэлж байна.

 

 

 

 

 

 

 

 

 

 

 

 

close
Facebook IconYouTube IconУлсын Бүртгэлийн Ерөнхий газарУлсын Бүртгэлийн Ерөнхий газарУлсын Бүртгэлийн Ерөнхий газарУлсын Бүртгэлийн Ерөнхий газарУлсын Бүртгэлийн Ерөнхий газарУлсын Бүртгэлийн Ерөнхий газарУлсын Бүртгэлийн Ерөнхий газар
Зочны дэвтэр